Musa redi, vocat alma parens Aeademia: noster
En redit, ore suo noster Apollo redit;
Vultus adhuc suus, et vultu sua purpura tantum
Vivit, et admixtas pergit amare nives.
Tune illas violare genas? tune illa profanis,
Morbe ferox, tentas ire per ora notis?
Tu Phoebi faciem tentas, vanissime? Nostra
Nec Phoebe maculas novit habere suas.
Ipsa sui vindex facies morbum indignatur;
Ipsa sedet radiis o bene tuta suis:
Quippe illic Deus est. coelumque et sanctius astrum:
Quippe sub his totus ridet Apollo genis.
Quod facie Rex tutus erat, quod caetera tactus:
Hinc hominem Rex est fassus, et inde Deum.