Quisquis nectareo serenus aevo
Et spe lucidus aureae juventae,
Nescis purpureos abire soles,
Nescis vincula ferreamque noctem
Imi careris horridumque Ditem, 5
Et spectas tremulam procul senectam,
Hinc disces lacrymas, et huc repones.
Hic, o scilicet hic brevi sub antro
Spes et gaudia mille, mille, longam,
Heu longam nimis! induere noctem. 10
Flammantem nitidae facem juventae
Submersit Stygiae paludis unda.
Ergo, si lacrymas neges doloris,
Huc certo lacrymas feres timoris.