Phoenix alumna mortis,
Quam mira tua puerpera!
Tu scandis haud nidos, sed ignes.
Non parere sed perire ceu parata:
Mors obstetrix; atque ipsa tu teipsam paris,
Tu tuique mater ipsa es,
Tu tuique filia.
Tu sic odora messis
Surgis tuorum funerum;
Tibique per tuam ruinam
Reparata, te succedis ipsa. Mors o
Faecunda; sancta o lucra pretiosae necis!
Vive, monstrum dulce, vive,
Tu tibique suffice.