Squammea vivae
Lubrica terga ratis
Jam conscendet Arion.
Merces tam nova solvitur
Navis quam nova scanditur. Illa
Aerea est merces, haec est et aquatica navis.
Perdidere illum viri
Mercede magna, servat hic
Mercede nulla piscis: et sic
Salute plus ruina constat illi;
Minoris et servatur hinc quam perditur.
Hic dum findit aquas, findit hic aera:
Cursibus, piscis; digitis, Arion:
Et sternit undas, sternit et aera:
Carminis hoc placido Tridente
Abjurat sua jam murmura, ventusque modestior
Auribus ora mutat:
Ora dediscit, minimos et metuit susurros;
Sonus alter restat, ut fit sonus illis
Aura strepens circum muta sit lateri adjacente penna,
Ambit et ora viri, nec vela ventis hic egent;
Attendit hanc ventus ratem: non trahit, at trahitur.
TRANSLATION (_full_).