Ergo tu luges nimium citatam
Circulo vitam properante volvi?
Tu Deos parcos gemis, ipse cum sis
Prodigus aevi?
Ipse quod perdis, quereris perire?
Ipse tu pellis, sed et ire ploras?
Vita num servit tibi? servus ipse
Cedet abactus.
Est fugax vitae, fateor, fluentum:
Prona sed clivum modo det voluptas,
Amne proclivi magis, et fugace
Labitur unda.
Fur Sopor magnam hinc, oculos recludens,
Surripit partem, ruit inde partem
Temporis magnam spolium reportans
Latro voluptas.
Tu creas mortes tibi mille, et aeva
Plura quo perdas, tibi plura poscis......