Dinewan boorool diggayah gillunnee. Nahmerhneh boorool doorunmai.
Goomblegubbon boolwarrunnee. Goomblegubbon numbardee boorool
boolwarrunnee Dinewan numbardee. Baiyan noo nurruldundi gunnoonah
burraylundi nurreebah burri bunnagullundi. Goomblegubbondoo
winnanullunnee dirrah dungah nah gillunnee, Dinewandoo boonoong noo
beonemuldundi.
Goomblegubbondoo winnanullunnee gullarh naiyahneh gwallee Dinewan
gimbelah:
"Wahl ninderh doorunmai gillaygoo. Baiyan noo winnanunnee boonoong
gurrahgoo, wahlneh burraylaygoo. Wahl butndi naiyah boorool gillunnah
boomahleegooneh naiyah butthdinen woggee gwallee myrenay boonoong
gillundi."
Illah noo nurray Dinewan nahwandi. Goomblegubbon lowannee boonooog noo
wunnee wooee baiyan nurrunnee bonyehdool. Baiyan boollarhgneh
gwalleelunnee. Goomblegubbondoo gooway:
"Minyah goo ninderh wahl boonoong dulleebah gillunnee? Gunnoono
diggayah burraylunneh. Wahl boonoong ninderh doorunmai. Myrenay
boonoong gillunneh Gunnoogoo nunnahlah doorunmai gimbehlee." Dinewandoo
gooway "Gheerh ninderh boonoong bayyi."
"Wahl."
Nahnee Dinewan noonoo meer gullahgeh. Baiyan boollarhneh budtnah
ginnee. Boonoong butndi nullee gurray wahl Goomblegubbon doorunmai
giggee.
Dinewandoo gooneejayn gooway cooleer noo noo boonoong gurrahlee goo
comeboo goo.
Baiyan noo gaiathah noonoo boonoong gurray. Baiyan, neh bunnerhgahoonee
Goomblegubbon. Dinewan gooway Goomblegubbon:
"Boonoong nayr gurray." Goomblegubbon gindabnunnee, barnee, bunna
gunnee dirrah gunnee numerhneh. Boonoong beeyonemay, baiyan noo gooway
Dinewan.
"Dungneemay ninnerhneh nayr byjundool boonoong. Mayerboo nay, nay
boonoong, gurrah wahl dunerh. Wombah ninderh byjundool boonoong.
Dinewan bunna gunnee boomahlee-goo Goomblegubbon, baiyan Goomblegubbon
burrunnee. Narahgahdool myrenay boonoong. Baiyan Dinewan
eelaynerhginnee nahnee illah nayahe ninnernah gullahrah gimbehlee.
Illah lah noo noo winnanunnee. Baiyan noo doorimbai birrahleegul
boollarhyel nuddahnooway booroolah binnamayahgahway. Baiyan neh
moorillah die gahraymo noo-noo, boollarh noo garwannee. Baiyan neh
woggee goo nahnee. Goomblegubbondoo birrahleegul oodundi gunoonoo
garwil. Baiyan boollarhgneh gwallannee. Dinewan gooway Goomblegubbon."
"Minyah goo ninderh booroolah birrahleegulgah gillunnah. Wahl ninder
booroolah goo garwil ooday. Tuggil ninderh boollarhyel gargillay baiyan
boollarhgnah, booral giggee, wahl ninderh booroolah goo gooloon
marlday." Goomblegubbon buthdi ginnee nalmee.
"Gullarh nayr nay birrahleegul boorool luggeray Dinewan? Boollarhyel
nay gillundi yahmerh boollarhgnah boorool giggee luggeray Dinewan."
Winnanunnee noo dungeway. Baiyan noo nurray Dinewan, nurray noo
boorool.
Baiyan noo gooway:
"Boomahlee doo gunnoono boollarhyel nayr gurrahwulday. Dinewan wahl
doorunmai gillay woggee goo. Goomblegubbon weel gillay doorunmai.
Goomblegubbon boorool giggee luggeray Dinewun, boonoong gunnoo goo
gurrahwulday. Baiyan noo boomay gunnoono birrahlee gul boollarhyel noo
gurrahway. Baiyanneh durrahwallunee nummerh nayr Dinewan doo
duldundigoo. Dinewandoo guggay."
"Minyah ninnoo birrahleegul?"
"Gunnoono nayr boomay boollarhyel gargillunnah."
"Wullundoo youlloo ninderh boomay! Booroolah nay birrahleegul,
gooloonmul dunnerli nayr gunnoonoo. Booroolah gunnoonoo. Nurraleh noill
doowar yu booloobunnee. Nurraleh boonboon. Nummerh nayr bayah
muldunnerh nay birrahlee gulloo."
"Boollarhyel ninnoo birrahlee garlee."
"Booroolah boollarh nay. Nayr di gargee ninnoonderh nurranmullee goo."
Dinewan bunnagunnee binnamayahgoo nayr noo doorimbundigoo birrableegul.
Baiyan naiyah durrabwullunee, dirralabeel ginnee noo boobootella,
gwallandy, "Boom, boom." Birrahleegul noo noo bunna gairlehwahndi,
beweererh nurrahwahndi, weeleer, weerleeer, Tuwerh munneh doorundi,
baiyanneh eelay nurrunnee. Baiyan noo gooway.
"Geeroo nayr ninnunnerh gooway. Gunnoono nayr nay birrahleegul
gurrahwuldunnerh. Nurullah Numerh nayr ninnoo nurragah birrahleegul!
Boomay ninderh ninnoo birrahleegul, ninderh nunnoo dung eemai! Tuggil
nayr lahnylay nayr boonoong ninderh boomah boollarhyel birrahleegarlee
gargillay. Gurrahwuldare ninnoo boonong nayr luggeeroo, gurrahwulday
nay birrahleegul."
Mrs. Parker writes: "The old black woman who first told me the tale is
away, but I got another old woman of the pre-white era to tell it again
to me yesterday; it is almost the same, minus one of the descriptive
touches immaterial to the story as such; in fact, to all intents and
purposes, the same."