[69]
Lat galaunte go, I mene, recheles ruskyn;
Take hede, my childe, to suche as ben cu_n_nyng,
So shall ye wyrship best conquere and wynne, 479
Enforsith you in all your_e_ demenyng
To sewe vertu, and[1] from foly declynyng;
[Sidenote 1: _Omit_ and]
And, my childe, that ye loue of honeste.
Which is accordyng wyth humanyte. 483
[70]
That is, to you to vndirstond And knowe,
That your_e_ aray be manerly and resonable,
Not appeissh knawen[1] and to mowe, 486
[Sidenote 1: _Sic._]
I[n] nyse aray that is not couenable,
Fetis founde be folkys vnp_ro_fitable,
That maketh this world_e_ so pleynly t_ra_nsformate,
That men semen almost effeminate. 490
[71]
Pley not Iakke mAlaperte, that is to sey,
Be ware of p_re_sumpc_i_oun, be ware of pride,
Take not the fyrst place, my childe, be no way, 493
Till odir be sette manerly abyde,
Presomcion is often sette asyde,
And Avalith f[r]om his highe[1] de-gre,
[Sidenote 1: MS. hight.]
And he sette vppe that hath humanite. 497
[Sidenote: _Hill's Text._]
¶ Lete gallant go! I mene, recheles ruskyn:
Take hede my child to suche as be co_n_nyng,
so shall[e] ye best worship co_n_qvere & wynne;
Enforce you i_n_ all[e] yo_u_r demenyng 480
To folowe vertu, & fro foly declynnyng;
& weyte well[e] _tha_t ye love honeste
which ys accordyng vnto humanyte.
[Sidenote: Ihu 1503 per Richard Hill: ffl C lxv]
¶ That ys for you to vnd_er_stond & knowe,
_th_at yo_u_r araye be manerly resonable, 485
Not apysshe ynto moke ne to mowe;
To nyce araye _tha_t ys not co_m_mendable,
ffetys, newe fonden by foolis vnp_ro_fytable, 488
_th_at make _th_e worlde so playnly transformate
_th_at me_n_ seme_n_ Almost enfemynate.
¶ Playe not Iacke maleperte, _tha_t ys to say,
be ware of presumpc_i_on, be ware of pryde; 492
take not _th_e first place, my child, by _th_e waye;
till[e] oder be sette, ryght manerly a-byde,
presumtvous be ofte sette a-syde
& all[e] day avaled, as me_n_ may see, 496
& he ys sette vp _th_at hat[=h] humylyte.