Ye hameless glens and waving woods,
Where Garnock winds alang,
How aft, in youth's unclouded morn,
Your wilds I 've roved amang.
There ha'e I heard the wanton birds
Sing blythe on every bough,
There first I met, and woo'd the heart
O' bonnie Jeanie Gow.
Dear Jeanie then was fair and young,
And bloom'd as sweet a flower
As ever deck'd the garden gay
Or lonely wild wood bower.
The warbling lark at early dawn,
The lamb on mountain brow,
Had ne'er a purer, lighter heart
Than bonnie Jeanie Gow.
Her faither's lowly, clay-built cot
Rose by Glengarnock side,
And Jeanie was his only stay,
His darling and his pride.
Aft ha'e I left the dinsome town,
To which I ne'er could bow,
And stray'd amang the ferny knowes
Wi' bonnie Jeanie Gow.
But, ah! these fondly treasured joys
Were soon wi' gloom o'ercast,
For Jeanie dear was torn awa'
By death's untimely blast.
Ye woods, ye wilds, and warbling birds,
Ye canna cheer me now,
Sin' a' my glee and cherish'd hopes
Ha'e gane wi' Jeanie Gow.