The Grammar Schollis and of the Toungis being erectit as we have said,
nixt we think it necessarie thair be three Universities in this whole
Realme, establischeit in the Tounis accustumed.[462] The first in
Sanctandrois,[463] the secound in Glasgow,[464] and the thrid in
Abirdene.[465]
[462] In edit. 1621, "in three Townes."--It will be observed that this
was in 1560; and that the University of Edinburgh was not founded till
the year 1582; and Marischall College and University of Aberdeen till
1593.
[463] The University of St. Andrews, founded in the year 1411.
[464] The University of Glasgow, founded in 1450.
[465] The University and King's College of Aberdeen, founded in 1494.
And in the first Universitie and principall, whiche is SANCTANDROIS,
thair be thre Colledgeis. And in the first Colledge, quhilk is the
entre of the Universitie, thair be four classes or saigeis: the first,
to the new Suppostis, shalbe onlie Dialectique; the nixt, onlie
Mathematique;[466] the thrid, of Phisick onlie; the fourt of Medicine.
And in the secound Colledge, twa classes or seigeis: the first, in[467]
Morall Philosophie; the secound in[467] the Lawis. And in the thrid
College, twa classes or seigeis: the first, in[467] the Toungis, to wit,
Greek and Hebreu; the secound, in[467] Divinitie.
[466] In edit. 1621, "Dialecticæ," and "Mathematicæ."
[467] In edit. 1621, "of."