“Hum-um-m, wha’ you say?
Me jus’ a go a brudder Dickey an’ Sandy,
Moody say me mustn’t go.”
Coming up the common to meet him father, (like) when a pretty man
coming up, you see all de young girl for dat gentleman; an’ he sing
coming,
“Santy Moody o, Tep’y-tep’y deh!”
De ol’ bull answer him,
“Hum-um-m, wha’ you say?
Me jus’ a go a brudder Dickey an’ Santy,
Moody say me mustn’t go.”
Meet to fight now, an’ de ol’ toss up him son into the air an’ he drop
on four feet. An’ the son lif’ him up in de air now; when de fader
coming down, one foot break. An’ he ’tamp on de t’ree foot an’ lif’ him
son higher again. An’ him son lif’ him up again in de air, an’ when he
coming again, break one of de other foot. An’ all de cow now running to
the river for water wouldn’t bother with the ol’ bull at all, everybody
for the young one. An’ lif’ up de young bull again deh ’pon him two
foot, lif up in de air, an’ de young bull drop on him four foot back.
An’ de young bull lif’ him up again; when he drop, he break de udder
foot. Lif’ up de son again, but he couldn’t go too far wid him; an’ his
son lif’ him up in de air again break de udder foot. An’ he lay down on
him belly fe fight an’ lif’ up him son, but him couldn’t go too far wid
him foot. An’ him son lif’ him up de las’, now, lif’ him up in de air;
an’ when him come down, break him neck. An’ from dat day, all young
bull grow in pen; not’ing to destroy dem.