Personaggi.
X. poeta celebre.
Il dottor Domenico SNÌCHELE.
La PADRONA del Caffè del Gobbo.
La scena rappresenta il Caffè del Gobbo a... città del Veneto.
Il caffè è vuoto. La padrona, seduta dietro il banco, legge
l'_Adriatico_. Entra il dottor SNÌCHELE con un soprabito logoro
indosso e una tuba bisunta in capo.
SNÌCHELE (_toccando il cappello_) — Servo.
PADRONA (_asciutta_) — Serva.
SNÌCHELE — In grazia, xe stà el commendator B.?
PADRONA — No.
SNÌCHELE — E el dottor C.?
PADRONA — Gnanca.
SNÌCHELE — E el professor D.?
PADRONA (_seccata_) — Gnanca, gnanca.
SNÌCHELE (_dopo una breve pausa_) — La scusa, voressela favorirme un
gotesin de acqua?
PADRONA, (_piglia un bicchier d'acqua da un vassoio e lo spinge sul
banco, con mal garbo, verso lo Snìchele_) — El toga.
SNÌCHELE — Grazie. No la ghe metaria na giozzetta de mistrà, par
acidente?
PADRONA — No ghi n'è.
SNÌCHELE — Grazie istesso. (_Beve_) La scusa, li gala gnanca visti quei
siori?
PADRONA — I xe passà adesso.
SNÌCHELE — Gaveveli insieme un foresto?
PADRONA — Come gerelo?
SNÌCHELE — Saverlo, siora Berta, come ch'el gera! El xe un omo grande
ma mi no lo go mai visto.
PADRONA — Questo gera picolo.
SNÌCHELE — No fa gnente. E da che parte andaveli?
PADRONA — Drio a le so gambe. Cossa vorìo, benedeto, che mi varda ste
robe? I sarà andà in ciesa.
SNÌCHELE (_si volta e guarda la chiesa monumentale ch'è in faccia al
caffè_). — Sì pardia! I vien fora adesso. El ghe xe, el ghe xe, el
foresto. Cossa fai? Par cossa se fermeli? Ah, i se spartisse, i se
saluda. Xele scapelade! Cussì lo vedo pulito. Son contento perchè gera
bramoso de vederlo. Ocio ch'el vien qua adesso, lu solo. Sì da bon
ch'el vien qua! La vada a tor el mistrà, ela, siora Beta.
PADRONA — Andemo, ja, nol seca.
SNÌCHELE — Co ghe digo de andarlo a tore! Eccolo, st'altro. (_Siede a
un tavolino e si mette a leggere la_ Difesa).
X. (_entra senza salutare e siede a un altro tavolino in faccia a
quello occupato dal dottor Snìchele_) — Un latte all'uovo.
PADRONA — Subito.
SNÌCHELE (_passa il giornale e saluta. X. saluta pure. Allora Snìchele
riprende il giornale, finge di leggere, poi lo posa da capo e si mette
a guardare dalla finestra_) Che tempo! (_X. cava un taccuino e piglia
delle note_). Tempo brutto. Oggi è peggio di ieri. Non è vero, signora
Elisabetta? (_La padrona non risponde e continua ad occuparsi del latte
all'uovo. Snìchele si volta ad X._) Si diceva che il tempo è cattivo
assai.